" قبل ما تناسب حاسب "
كتبت _ رضوي غريب
الارتباط بشخص من أسرة سوية راحه ونعمه كبيره ، إن يكون ليك أهل بعد اهلك وسند وعزوه فأنت صنعت حياه اخري مع حياتك الأولي ، حياتنا مش ناقصه مختلين
وقديما قالوا " قبل ما تناسب حاسب "
طيب
سوي نفسيا يعني إيه
يعني هيفكر فيكي قبل منه
هيخاف عليكي زي خوفه علي نفسه
هيعرفك كل كبيره وصغيره من ماليات واحاسيس وحياه وهتبقي سكنه وحيااته
هتكوني أهم من كل حاجه حواليه وأهم من شغله اللي كل الرجاله المصريين بيتلكووا بيه
لأنه بيشتغل عشانك وعشان بيته مش العكس
هتكوني معاه ف آرائه مش هيمارس الأنانية ف أمور حياتكم وهو لأ يعني لأ بدون نقاش لأ هيديكي حق التعبير والمشاركة
هيحترمك ادام أهله ويحضنك عادي
هيشاركك ف شغل المنزل بمنتهي الأريحية عادي ومش هتمس رجولته
هتتعبي هيقلق ويخاف ويبين اهتمامه
هيكون سبورت ودعم ليكي ف شغلك وميزعلش انك انجح منه
شخص سوي يعني أمان وحنيه واهتمام يعني انتي الأساس اللي لازم يغذيه من حب واهتمام عشان حياته تمشي فلو ملقتيش الشخص ده الوحده أجمل صدقيني
الحياه رحله صعبه فعلينا التهوين وحسن الإختيار
تعليقات
إرسال تعليق